Gemeinte wape auw gemeinte Klumme

In ut officiële dokement, wou in goodköring is verleint, is ut wape van de gemeinte Klumme es volg umsjreve:

Ut wape in sien kleure en metale is in vere gedeilt, I en IV in asoer nuge leliëje van goud, geplaatsj in drie rieje van drie; II en III in goud eine dubbele adelaer van sabel, geklauwd en getongd va keel, de twei kup umgeve durch eine krink va goud, der adelaer euvertopt durch de Keizerlijke Kroen va goud; euver alles heen, es hartsjilt van dit wape, (dat eigelijk ut wape van de veurmalige Benediktijnen-adbij van Reims is), ut wape van de Hiere va Valkenberg, in zilver eine lieuw mit dubbele staart van keel, gekreunt en geklauwd va goud; ut sjilt steunt tege der dao achter geplaatsjte figuur van der H. Remigius, dee op grasgrond steit, met gezich en heng in natuurlijke kleur, gekleid in ein bisschoppelijk gewaad va zilver, woeuver ein mit goude krutskes verseerde pallium van zilver, op der kop eine mijter va zilver mit ein kruts en umboorsel va goud en umgeve durch ein nimbus van utzelfde; der Heilige hilt in de opgeheve rechterhand de heilige ampulla va goud, wo boave de legendarisj doef in zilver zweeft, volgens de liturgische veurstelling, en in de opgeheve linkerhand eine bissjopsstaf va goud.

Ein en anger is terük te vinge in ut officiële dokement van 08.01.1904, wo in der minister van Justitie J.A. Loeff in 1904 goodkeuring verleint aan ut wape van de gemeinte Klumme.